Ракометарите на Тиквеш ја продолжија победничката серија на четири натпревари во Супер лигата, откако славеа против Бутел Скопје во драматичен меч со 25-24 во последната средба од 11 коло во елитното друштво.
Имаа домаќините плус четири, но прерано се опуштија, Бутел се врати во егал натпревар, на крајот имаше и пенал за бод од Кавадарци, но десниот бек Узунчев не го реализираше и победата остана дома.
Натпреварот беше израмнет особено во првото полувреме, кога домашните имаа во неколку наврати два гола предност, но бутелци секогаш знаеја како да ја анулираат негативата и се вратат во игра.
На паузата Тиквеш имаше само гол предност, 14-13, а кон средината на второто полувреме се разбрани голманот Панов, па кавадарчани успеаја да стигнат до највисоки плус три, 19-16.
Следуваа по неколку промашувања на двете страни пред конечно постот да го прекине пивотот на гостите Михајловиќ. Кавадарчани имаа и плус четири, 21-17, но прерано почнаа со славје, па тоа им се врати како бумеранг.
Трајкоски одбрани два пенали, па неговите соиграчи израмнија на 23-23 преку Субашевски кој се врати по паузата поради повреда, а до крајот остануваа уште пет минути.
Кавадарчани имаа 25-24 и напад, не беше искористен, Бутел организираше акција која заврши со удар од седум метри во последните секунди. Димитар Узунчев биеше над голот и почна домашната радост за двата бода.
Кај Бутел Скопје голманите Трајкоски и Стојаноски комбинираа осум одбрани, а Субашевски беше најдобар стрелец со пет гола. Во Тиквеш се истакна голманот Панов со девет одбрани, а Коцев постигна осум погодоци во гостинската мрежа.
Во следното коло Бутел Скопје му гостува на Еурофарм Пелистер, додека Тиквеш ќе игра на домашен терен со Пролет.
