Новиот српски суперлигаш Рудар Костолац за тековната сезона ќе смета на петмина ракометари кои дел од кариерите градеа во Македонија.
Таму е голманот Милош Рајчиќ, кој своевремено ги бранеше боите на Прилеп и Еурофарм Пелистер, како и искусниот Александар Стојановиќ.
Некогашниот српски репрезентативен десен бек покрај настапите за Кадетен Шафхаузен, Целје, Партизан…играше и за Вардар и Металург.
Двата средни бекови, Петар Бугариновиќ и Јакша Вјештица, се со најсвежо искуство во македонската елита.
Вјештица пред две сезони настапуваше за тимовите на Радовиш и Охрид, додека Бугариновиќ беше дел од Струга, а минатата сезона ја заврши во Вардар Неготино пред да се врати во татковината.
Меѓу голманите на Рудар е и некогашниот кадетски и младински репрезентативец на Србија, како и член на Металург, Милош Вуковиќ.
ПОВРЗАНИ ВЕСТИ
