Европската ракометна федерација ги делегираше официјалните лица за натпреварите од третото коло во Лигата на шампионите.
Македонскиот првак Еурофарм Пелистер игра важен натпревар на домашен терен против ГОГ Гудме, а ЕХФ делегираше судии од Шпанија.
Станува збор за Андреу Марин и Игнасио Гарсија, додека делегат на овој дуел ќе биде Словенецот Томо Водопивец.
Шпанските арбитри го судеа финалето на Светското првенство 2025 во кое играа Данска и Хрватска.
Натпреварот меѓу Еурофарм Пелистер и ГОГ Гудме ќе се игра в среда во салата „Боро Чурлевски“ со почеток во 20:45 часот.
