Српскиот репрезентативен чувар на мрежата, Милан Бомаштар, од лето би требало да го чува голот на двократниот европски првак Вардар, пишува „Handballia“.
Според Словенците, по десното крило Вукашин Воркапиќ и средниот бек Жоао Педро Да Силва, Бомаштар е третиот ракометар што го стави потписот на договорот со Вардар, а тоа многу веројатно ќе го стори и левиот бек од Слован Љубљана, Леон Љевар.
Претходно во комбинациите за трансфер во Вардар се споменуваа и Никола Портнер и Клемен Ферлин, но јасно е дека од тоа нема ништо.
Бомаштар потекнува од Металопластика Шабац, во моментов брани во францускиот Шарт, а претходно беше дел шведскиот Шевде и шпанскиот Адемар Леон.
Според некои неофицијални информации, на мета на „црвено-црните“ е шпанскиот репрезентативец Алекс Душебаев, кој идното лето ја завршува седумгодишната авантура во полскиот Келце, каде отиде токму од Вардар.
