Романскиот шампион Динамо Букурешт со победа над данската Фредериција со 37-28, го означи камбекот во Лигата на шампионите, додека ПИК Сегед на дебито на новиот тренер Микаел Апелгрен, го совлада Магдебург со 31-29.

Данскиот тим предводен од екс пелистерците, Себастијан Хенеберг и Реине Табоада, имаше контрола во првите дваесетина минути, водеше и со три гола разлика, но момците на Давид Дејвис се разиграа пред паузата и успеаја да го свртат комплетно натпреварот во своја корист.

На паузата имаа плус четири, 18-14, а во вториот дел комплетно го надиграа противникот, одлично бранеше и Цупара, па за Фредериција немаше никаква шанса за камбек.

Најдобри стрелци во победничкиот тим беа Трастарсон со шест гола, како и Кудуз, Лангаро, Кашпарек и Рошта со по пет, додека Цупара имаше 13 одбрани. Во данскиот тим осум гола даде Хенеберг.

Унгарскиот вицепрвак најчесто беше во негатива во првиот дел, Магдебург водеше и на стартот на второто полувреме со 20-19, но потоа имаше една „црна дупка“ во играта на германскиот тим. Сите грешки беа казнети од ПИК Сегед, Кукиќ и Мачковшек погодуваа во серија и унгарскиот тим поведе со 26-20.

Германците го прекинаа десетминутниот пост преку Зендер, намалија во продолжение и на минус три, но немаше време за нешто повеќе на овој натпревар. Најдобри стрелци во победничкиот тим беа Шоштариќ со шест гола и Фримел со пет, додека ветеранот Миклер блескаше меѓу стативите со 16 одбрани. Во составот на Магдебург, по пет пати стрелаа Магнусос и Вебер.

„Сино-белиот“ тим од Автокоманда ја запиша втората победа во Супер лигата, откако на домашен терен славеше против Радовиш со 33-23, откако во последните дваесетина минути и водство на гостите со 20-19, прими само три гола, а постигна дури 14.

Момците на Кире Лазаров, кој одмори дел од првотимците, беа во негатива цели четириесетина минути, но во финишот успеаја да ја преземат контролата и да го свртат резултатот во своја корист.

Радовишани беа одлични во првиот дел, лесно погодуваа во мрежата на Кизиќ преку Постолов, Јанковски, Ончев, Стојановски…голманот Костадиновски имаше интервенции во серија и во еден момент водеа и со шест гола, 12-6, а потоа и 13-7.

Пред паузата „сино-белите“ од Автокоманда успеаја да ја преполоват разлика и да намалат на минус три, 14-11. Гостите од Радовиш имаа сили уште десетина минути во вториот дел кога успеаја да држат егал, а потоа колата тргна надолу.

Домашните ги казнуваа лесно сите грешки на радовишани, погодуваа од контранапади и набрзина разликата растеше во корист на тимот од Автокоманда. Се разбрани и голманот Трајкоски, па немаше дилеми дека бодовите остануваат дома.

Најдобри стрелци во победничкиот тим беа Петковски со шест, како и Џонов, Серафимов, Стојковиќ, Бинго и Силва со по четири погодоци. Во тимот на Радовиш, капитенот Постолов даде шест гола, додека Ончев стрелаше пет пати.

На Охрид му требаа 25 минути да сфати дека „нема шега“ со Бутел, па мораше да запне за да го „сврти“ резултатот и на крај да триумфира со 26-23 (11-9). Гостите од Скопје покажаа дека на секој терен ќе бидат со иста желба и мотив, и ако им се укаже шанса ќе бидат незгоден ривал.

Кога Бутел поведе со 9-7 во 21 минута беше јасно дека за домашните ќе биде проблем ако продолжат така. Тогаш како да го смениј ацелсоно пристапот во играта, па брзо направиј апресврт и водеа со 11-9 н аполувреме.

Бутел имаше долг перио дбез постигнатгол, цели 12 минути, па откако во 21 минута поведос со 9-7 следниот гол до дадоа дури во 33 минта, но тогаш Охрид веќе имаше предност. Потоа веќе беше тешко да се фати возот, зошто и Охрди веќе играше сериозно.

Предноста на домашните се зглем на 5-6 гола, и тоа беше знак дека нема да има драмна. До крај само рутински се задржа резултатот во корист на „гладијатрите„.

Рудолф Сафранко со 6 и Гал Цирар со 5 гола беа најефикасни кај Охрид, а Димитар Ѓеоргиевски постигна 7 гола за Бутел.

ТАБЕЛА

Шампионот Ѓорче Петров откако пред два дена му даде 56 гола на Шампион, ја запиша втората лесна победа во Женската лига и славеше против Деспина со 30 погодоци разлика, 43-13.

Тренерот Симе Симовски со комбиниран ростер и со 12 ракометарки реши да настапи на овој дуел, но тоа не беше пречка победата да биде обезбедена уште по првите десетина минути.

„Лавиците“ поведоа со 5-1, потоа беше и 10-2 и јасно беше каков тек ќе има овој натпревар. На паузата беше 19-6 за домаќинките, а во вториот дел разликата само растеше со лесни погодоци.

Најдобри стрелци во победничкиот тим беа Ризоска со десет, како и Коларовска и Дамјановска, кои стрелаа по шест пати. Во составот на Деспина се истакна Конеска со пет погодоци.

Екипата на Прилеп на гостувањето во Куманово кај истоимената екипа со пресврт во последната минута триумфираше со 36:35 во рамки од 2. коло од Супер лигата и се израдува на првата сезонска победа. Иако Куманово се наоѓаше пред победа, сепак, гостите од Прилеп дадоа се од себе да си заминат со два бода и успеаја во зацртаната цел. Младиот голман Михаил Ангелески во последна секунда го сопре ударот на Димевски, а тоа значеше голема радост за тимот предводен од Божидар Мојсов.

За Прилеп победата над Куманово е многу важна, бидејќи тимот е еден од претендентите за пласман во плеј-оф фазата. Прилеп во 3. коло на свој терен ќе го пречека Охрид, потоа следуваат соочувањата со Алкалоид, Радовиш, Бутел Скопје, Вардар…

Во првиот дел гледавме голема борба, многу изедначувања и пресврти. Прилеп беше екипата која во првиот дел на трипати имаше плус три, но и домаќините имаа свои моменти и минимална предност во одредени периоди. По 20 минути игра, резултатот беше 10:10 и тоа беше некаква увертира каков ќе биде текот во преостанатите 40 минути.

Домаќините влегоа во топ-ритам, успеаја да се одлепат на 12:10, имаа и 13:11, но избраниците на Мојсов не дозволија ривалот да ја зголеми предноста и со головите на Органџиев и Шабановиќ израмнија на 13:13 на две минути пред крајот на првото полувреме. Одличен во нападот на Куманово беше десниот бек Каио Винициус Де Соуза, кој за 30 минути имаше дури девет погодоци, сите од игра. Голманот на Прилеп, Ивчески, фати неколку топки во серија и беше најзаслужен за предноста од 15:14 на пауза.

И вториот дел мина со борбено надигрување, а по нерешените 19:19, домашниот тим во 35 минута повторно дојде на максималната предност од првиот дел, за момент поведе со 21:19. Прилеп израмни на 21:21, беше и 22:22 пред гостите да добијат две исклучувања по ред. Гостите за кратко ја презедоа предноста, но до последната минута домаќинот одржуваше предност од еден до два гола разлика.

Прилеп имаше голема среќа во последната минута, во која најпрво успеа да израмни на 35:35, a потоа со голот на Квастек да победи со 36:35, тоа беше и крајниот епилог од неизвесниот натпревар во Куманово.

Одличен натпревар зад себе имаше Денис Шабановиќ во победничката екипа, постигна десет погодоци, осум додаде Пеце Рајатоски, додека 17-те погодоци на Каио Винициус Де Соуза беа залудни за домашниот тим.