Одлуките на Дисциплинската комисија на Ракометната федерација на Македонија по скандалозниот натпревар меѓу Скопје и Гевгелија од Купот на Македонија, денеска беа потврдени во билтенот на РФМ.

Како што прв објави 24Ракомет, Скопје и Гевгелија се исклучени од Женската лига до крајот на сезоната, како сениорските, така и сите нивни младински екипи.

Одговорните лица на двата клуба – Валентина Радуловиќ, Веселинка Треноска и Јулија Беќарова се казнети со двегодишни суспензии.

Делегатот на овој натпревар, Митко Ѓорѓиевски, исто така доби казна од шест месеци, поради пропусти при составувањето на записникот.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Ракометарките на Вардар обезбедија пласман на Ф4 во Купот на Македонија, откако во финалето од групата В славеа над Пелистер со 34:21.

Избраничките на Платон до убедливиот триумф дојдоа со подобрата игра во второто полувреме, на пауза имаа минимална предност од плус три, 11:8.

Леона Миленковска и Сара Богојеска беа најефикасни во редовите на „црвено-црните“, натпреварот го завршија со по седум гола.

Во таборот на Пелистер десното крило Моника Босилковска ги предводеше стрелците со осум гола, два помалку имаше Наталија Дишковска.

Вардар пред две сезони играше финале во Купот, во неизвесен натпревар загуби од Куманово, додека во минатата сезона беше елиминиран во полуфиналето од Чаир.

Репрезентативецот на БиХ, Харун Хоџиќ, кој од 2018 година настапува во францускиот шампионат, поточно во Шамбери, одлучи да ја промени средината.

Младиот голман ќе остане во Франција, но од наредната сезона ќе брани во тимот на Ним. Станува збор за клуб кој што во оваа сезона е меѓу петте најбогати клубови во Франција, има буџет од околу шест милиони евра.

Хоџиќ со раководството на Ним се договори на соработка со важност до три сезони, односно до јуни, 2028 година, па така босанскиот интернационалец поголемиот дел од кариерата ќе го помине во Франција.

Босанскиот голман во Шамбери пристигна во текот на 2018 година и само на 19 години дебитираше за познатиот француски клуб.

Минатата сезона, 24-годишниот голман беше меѓу најдобрите голмани во најквалитетното француско натпреварување.

Селекторот на женската репрезентација на Унгарија, Владимир Головин, го објави списокот на ракометарки за Европското првенство што ќе стартува на 28 ноември.

Головин ќе смета на 19 ракометарки, а тука се искусните голманки Бланка Биро и Кинга Јанурик, крилата Надин Шатцл, Доротеја Фалувеги и Викторија Лукач, како и младите бекови Петра Симон, Грета Качор, Катрин Клујбер…

Избраничките на Головин ќе имаат две контролни средби пред настапот на ЕП, против Словачка на 22 ноември и против Украина на 24 ноември.

Унгарија е во групата А што ќе се игра во Дебрецин, заедно со Македонија, Шведска и Турција, а средбата меѓу домаќинот на ЕП и нашите ракометарки е на 2 декември од 18:00 часот.

Поранешната ракометарка на Вардар, Камила Херем, ќе игра најмалку до 40 години, бидејќи го продолжи договорот со нејзиниот актуелен клуб Сола.

Искусната репрезентативка на Норвешка и раководството на Сола се договорија на нова соработка со важност од две години, а тоа значи дека левото крило нема намера да се пензионира,

Херем, која во редовите на „црвено-црните“ играше во сезона 2016/17, по заминувањето од Македонија се врати во својата татковина и потпиша за Сола, клуб кој е редовен учесник во европските натпреварувања.

Тренер на Сола е нејзиниот сопруг Стефан Стегавик, поранешен ракометар кој при престојот на Херем во Скопје, тој тренираше во Пролет, но на крај не успеа да заигра на македонско тло.

На претстојното Европско првенство 2024 меѓу главните адути на Норвешка ќе биде токму Херем. Таа заедно со Катрин Лунде (45 години) се најискусни во скандинавската репрезентација.