Репрезентацијата на Словенија, по триумфот над Литванија со убедливи 36-25 во првото коло од квалификациите за ЕП 2026, патува на гости кај Естонија.
Селекторот Урош Зорман пред овие квалификации се откажа од Бомбач, Габер, Мачковшек, Доленец…а сега реши без неколку од најискусните да патува во Талин.
На дуелот со Естонија нема да настапат Блаж Јанц, Алекс Влах, Тилен Кодрин, Блаж Благотиншек и Клемен Ферлин.
Tоа значи дека организаторот на играта на Еурофарм Пелистер, Домен Тајник заедно со Домен Макуц ќе ја организираат играта, а друштво меѓу стативите на Урбан Лесјак ќе му прави Базник. Шанса би требало да добијат и Миличевиќ, Јовичиќ, Хенигман, Цокан…
Словенците ќе се соочат со Естонија утре со почеток во 18:00 часот.
ПОВРЗАНИ ВЕСТИ
