Словенечкиот шампион Слован Љубљана од идното лето го посакува организаторот на играта Домен Тајник.
Членот на македонскиот шампион Еурофарм Пелистер и ова лето беше на мета на Слован, но ќе остане во Битола претстојната сезона.
Неговиот договор со битолчани е до 2026 година, но според „handbalia“ усен договор веќе е постигнат за од идното лето Тајник да се врати во татковината.
Слован Љубљана ова лето остана без Јака Малус, па на Зорман му фали организатор на играта во неговиот тим.
