Словенечкиот организатор на играта, Дејан Бомбач, би можел да се пресели во македонскиот шампион Еурофарм Пелистер.
Според пишувањата на „Handballia“, Бомбач, кој беше суспендиран од страна на Ѓер и му беше раскинат договорот, е на чекор до трансфер во Македонија.
Битолчани во своите редови ги имаат Домен Тајник, Алем Хаџиќ и Мирче Калајџиески на средната бековска позиција, но сигурно дека играч како Бомбач добро би дошол во ротацијата.
Бомбач е поранешен словенечки репрезентативец, врвот на формата го имаше во унгарскиот ПИК Сегед и полскиот Келце.
Минатата сезона по десет години настапи за овие два клуба, се пресели во амбициозниот проект Ѓер, но љубовта траеше кратко.
