По поразот во финалето на меморијалниот турнир „Крсте Андоновски“, ракометарите на Еурофарм Пелистер ќе имаат настап на уште еден турнир – регионалниот кој се игра во СЦ „Борис Трајковски“.
Прв предизвик за битолчани ќе биде натпреварот против српскиот вицепрвак Војводина Нови Сад денеска од 17:00 часот.
На турнирот, покрај македонскиот шампион игра и вицешампионот Вардар, кој ќе се соочи со првакот на Црна Гора, Ловќен Цетиње.
„Црвено-црните“ по лошиот настап во Охрид, ќе имаат шанса за поправен на турнирот во Скопје, а мечот со Ловќен е од 21:00 часот.
На турнирот кој стартува денеска, а со учество на екипи од Македонија, Србија и Црна Гора, ќе се игра по принципот секој со секого во следните три дена.
Распоред на натпревари – регионален турнир:
17:00 Еурофарм Пелистер – Војводина
21:00 Вардар – Ловќен
