Ракометарките на Металург Автокоманда го освоија третото место на регионалниот турнир во Скопје, откако ремизираа со големиот ривал Ѓорче Петров, 24-24, иако го имаа последниот напад и можеа да слават.
Сепак и со реми, поради подобрата гол-разлика, завршија на третото место. Во првиот дел доминираше екипата од Автокоманда, која во повеќе наврати имаше плус пет гола позитива.
Во последната секунда за Ѓорче Петров погоди Борјана Коцева и на пауза се замина со водство на Металург Автокоманда со 13-9.
Во вториот дел се заостри играта, „лавиците“ успеаја да се вратат на минус два, кога остануваа да се играат уште пет минути.
Joвановска фати три удари на голот на Ѓорче Петров, во нападот погодуваа Коцева и Ризоска и беше 24-24 на две минути до крајот.
Најдобра кај Металург Автокоманда беше Марија Јанкуловска со седум гола, додека кај Ѓорче Петров со по четири гола се истакнаа Емилијана Ризоска и Бојана Коцева.
Финишот донесе грешки на двете страни, немаше ниту еден гол и на крајот мечот заврши реми, а тоа поради подобрата гол-разлика му го донесе третото место на Металург Автокоманда.
