Третопласираниот тим од македонскиот шампионат минатата сезона и актуелен освојувач на ЕХФ Купот ќе се проба во Лигата на Европа оваа сезона.
Ривал на тимот на Кирил Лазаров е составот на Хановер, а првиот натпревар ќе се игра денеска од 17:00 часот во „Свис Лајф Арена“.
Лазаров нема да смета на повредените Марко Митев и Никола Костески, кои се во процес на рехабилитација, додека од комбинација отпаднаа голманот Ѓорѓи Николовски, бековите Емилијан Ѓорговски и Михаил Иваноски, пивотот Кристијан Симоноски, како и крилото Давид Трајкоски.
Во составот на „сино-белиот“ тим ќе бидат голманите Кизиќ и Галевски, потоа Серафимов, Велковски, Петковски, Костески Ненад, Џонов, Тордарсон, Стојковиќ, Карасманакис, Маркоски, Аларов, Борзаш, Ѓорѓиев, Митев Дамјан и Ивановски.
Реваншот меѓу овие две екипи ќе се игра на 6 септември во салата во Автокоманда од 19:30 часот.
