Европското првенство во ракомет за мажи во 2028 година, кое ќе се игра во Швајцарија, Шпанија и Португалија, доби официјална арена за швајцарскиот дел од натпреварите. „Свис Лајф Арена“ во Цирих, домот на хокеарскиот клуб Лајонс, ќе биде претворен во вистински ракометен храм од 13 до 18 јануари 2028 година.
Швајцарската ракометна федерација потврди дека токму оваа модерна повеќенаменска сала ќе биде домаќин на 12 натпревари од групната фаза, во кои ќе настапат ко-домаќинот Швајцарија и Германија (доколку се квалификува).
„Фактот што 12 натпревари од ЕП 2028 ќе се играат во „Свис Лајф Арена“ претставува нова пресвртница за нас. Благодарни сме за довербата и ќе вложиме максимални напори заедно со организацискиот комитет да направиме совршено европско првенство,“ изјавија од организацискиот одбор.
Европското првенство во 2028 година ќе трае од 13 до 30 јануари и ќе собере 24 репрезентации. Натпреварите освен во Цирих ќе се играат и во Лисабон, додека Шпанија ќе биде домаќин на две групи од групната фаза, на една група од главната рунда и на завршниот викенд.
За швајцарскиот ракомет ова е уште еден голем интернационален предизвик, по организацијата на Женското ЕП 2024 заедно со Австрија и Унгарија.
