Тимот на Бутел Скопје во пролетниот дел од сезоната ќе биде посилен за десното крило Мице Шилегов.
Шилегов доаѓа од прволигашот Вардар Неготино, каде играше во есенскиот дел на сезоната и беше најдобар стрелец.
Станува збор за искусен ракометар, кој потекнува од тимот на Металург, а во вториот тим играше до 2017 година.
Потоа беше прекомандува во сениорскиот тим каде остана до 2021 година. Мина една сезона во Охрид, беше дел од Голден Арт две сезони, а играше и за Пролет.
Зад себе има настапи и во кадетската и младинска репрезентација на Македонија. Бутел Скопје претходно се засили со пивотот Матеј Марковски и левиот бек Христијан Ѓурмешевиќ.
