Тимот на Куманово по четири меча без триумф, им се врати на победите, откако на домашен терен го победи битолски Пелистер со 24-17.
Ангела Шехтанска беше предводничка на составот на Славиша Димитријески и успеа да постигне седум гола во противничката мрежа.
Нерешено беше само на стартот, 1-1, потоа се беше во знакот на домаќинките, иако битолчанки имаа повремени блесоци.
Куманово на паузата водеше со 14-10, во вториот дел гостинките намалија на минус два, но немаа сили за камбек.
Домаќинот „нагази“ и веќе немаше назад за битолчанки, па до крајот одигра само рутински и ја заокружи убедливата победа.
Покрај Шехтанска, за домашниот состав Ѓорѓиевска постигна четири гола, а во гостинскиот состав пет гола постигна Елмазовска.
