Maкедонија ќе има четири женски претставници во европските купови на ЕХФ во претстојната натпреварувачка сезона.
Шампионот Ѓорче Петров не го искористи правото за настап во Лигата на Европа и во сезоната 2025/26 ќе игра во ЕХФ Европскиот Куп.
Македонија според рејтингот, можеше да пријави една екипа во Лигата на Европа и три во ЕХФ Европскиот Куп, но сите четири претставници ќе бидат дел од третото по ранг европско клупско натпреварување.
Вицепрвакот Металург Автокоманда, како и Чаир, кој лани испиша клупска историја во ова натпреварување, и сезонава ќе бидат дел од истото.
Покрај овие три тима, на европска сцена по кратка пауза ќе се врати и тимот на Куманово.
