Екипата на Овче Поле СУ без поголем напор стигна до нова победа, совладувајќи го младиот состав на Шампион со убедливи 46-12 на гостински терен во Скопје во натпревар од 10 коло во Првата женска лига.
Составот од Свети Николе доминираше од првата до последната минута, наметнувајќи висок ритам и цврста одбрана на која домаќинките немаа одговор.
Анастасија Сентовска беше незапирлива и го заврши мечот со 13 погодоци, додека Наталија Манева исто така имаше извонредна партија со десет реализации за тимот од Свети Николе. Во домашниот состав се истакна Катја Маркоска со пет погодоци.
Во следното коло, Овче Поле СУ кој заостанува зад водечкиот Атлетик со четири бода и меч повеќе, ќе биде домаќин на Јехона, додека Шампион ќе биде слободен.
