Тимот на Локомотива Загреб, каде што игра македонската репрезентативка Андреа Седлоска, ја продолжи победничката серија во хрватскиот шампионат.
Во натпревар од 9 коло, Локомотива Загреб славеше убедливо на домашен терен против составот на Осијек со 37-16.
Седлоска беше најдобар стрелец во победничкиот тим со седум голови од осум обиди, и покрај голманката Пијевиќ, имаше највисок индекс на корисност.
Локомотива Загреб заедно со Подравка се на врвот на табелата со максимален број победи и бодови, а нивниот меѓусебен дуел ќе се игра дури во 13 коло на 31 јануари следната година.
Следен предизвик за Седлоска и Локомотива Загреб ќе биде гостувањето кај Сињ, а потоа следуваат и два меча од третото квалификациско коло во Лигата на Европа.
