Тимот на Локомотива Загреб, каде што игра македонската репрезентативка Андреа Седлоска, запиша нова победа во хрватскиот шампионат.
Локомотива на домашен терен немаше никакви проблеми против Дуго Село и славеше со убедливи 34-14.
Седлоска беше меѓу подобрите во домашниот тим и успеа да реализира три пати од три обиди во противничката мрежа.
Локомотива Загреб е на второто место на табелата сo 31 бод, зад Подравка со 34 бодови, која има и меч помалку, а следен предизвик за Седлоска и нејзиниот тим ќе биде гостувањето кај Осијек.
