Унгарскиот вицепрвак ПИК Сегед објави дека е прекината соработката со шведскиот репрезентативец Јим Готфридсон.
Тој веќе неколку недели беше надвор од тимот, но ниту играчот, ниту тренерот, а ниту клубот, не ја потврдуваа информацијата дека договорот му е раскинат.
По денешните објави во скандинавските медиуми, се огласи и клубот, во која има само штура информација дека му посакуваат среќа во понатамошната кариера.
Готфридсон по 12 сезони во бундеслигашот Фленсбург, ова лето се реши за нов предизвик, но кратко траеше авантурата во Унгарија.
Според „RTHandball“, Готфридсон посакува да се врати назад во Германија.
