Екипата на Рапид Букурешт, каде што настапува македонската репрезентативка Сара Ристовска, оствари важна победа во романскиот шампионат.
Во 21. коло, Рапид Букурешт се соочи со Баја Маре и на гостински терен славеше со 26:23 (12:12), со што ги задржа шансите за пласман меѓу најдобрите три екипи.
Македонската репрезентативка одигра одличен натпревар, речиси без грешка, постигнувајќи пет гола од шест обиди, а имаше и една асистенција.
По елиминацијата во Лигата на шампионите, Рапид Букурешт сега е целосно фокусиран на настапот во најквалитетното натпреварување во Романија.
Следен предизвик за Ристовска и нејзините соиграчки ќе биде дуелот против некогашниот европски гигант Валчеа.
Одличната форма на Ристовска е позитивен сигнал и за македонската репрезентација, која ја очекува бараж двомечот со Полска за пласман на Светското првенство 2026.
