Македонската репрезентација за време на ЕХФ неделата ќе ги одигра двата квалификациски натпревари против Словенија за пласман на ЕП 2026.
Избраниците на Лазаров најпрво во Скопје на 12 март ќе играат со репрезентацијата на Урош Зорман, потоа на 16 март во Копер двете репрезентации ќе го имаат второто соочување.
За натпреварот во СЦ „Борис Трајковски“ има останато уште 250 билети, па така нашата репрезентација ќе има голема поддршка од трибините. За сите заинтересирани кои сакаат да го проследат натпреварот, билети можат да набават онлајн на следниов ЛИНК.
Македонија квалификациите за континенталниот собир ги стартуваше со победа над Естонија и пораз од Литванија.
