Ракометарите на Еурофарм Пелистер 2 запишаа триумф во суперлигашкиот плеј-аут над Радовиш со 34-31, но мораа добро да се испотат.
Во првиот дел битолчани беа подобар ривал и успеа да направат залиха од пет погодоци, 18-13.
Но во второто полувреме жилавиот гостин покажа карактер и успеа да се врати во ритам, во финишот намали и на минус еден, 32-31, но немаше време за нешто повеќе.
Во следниот напад Дрогришки зголеми на 33-31 и најави дека бодовите ќе останат во Битола, а до ккрајот домашните дадоа уште еден гол.
Мохамед Азиз и Одифред Баптист постигнаа по седум гола кај победниците, а кај гостите осум пати погоди Славе Јанковски.
Во следното коло, Еурофарм Пелистер 2 му гостува на Куманово, додека Радовиш на домашен терен ќе го пречека тимот на Пролет.
