Лидерот во прволигашката конкуренција, Младост Богданци, ги започна подготовките за пролетниот дел од сезоната.
Богданчани под водство на Горан Андоновски го завршија есенскиот дел со 12 победи на 12 меча и се фаворити број еден за место во елитата.
Подготовките физички и тактички ќе се одвиваат во салата Млаз во Богданци, а закажани се и два пријателски натпревари со две суперлигашки екипи пред почеток на првенството.
На првиот тренинг присуствуваа сите ракометари освен левиот бек Антонио Николоски кој си замина од Богданци, а допрва треба да бидат промовирани новите засилувања.
