Тимот на Прилеп полека го склопува играчкиот мозаик за претстојната сезона во која ќе влезе со големи амбиции.
Кадетскиот репрезентативец Марио Столески потпиша договор на три сезони со прилепчани и ќе тренира под палката на Наум Танески во првиот тим. Досега беше дел од младинските категории.
Прилеп претходно донесе големо засилување Димитар Димитриоски, а ги продолжи договорите со носителите на играта.
Нови соработки беа потпишани со странците Владан Кастратовиќ, Томислав Квастек и Денис Шабановиќ, како и со Александар Тренчевски и Иван Ангелески.
Покрај Димитриоски, нови засилувања за Прилеп се левиот бек Божидар Лековиќ и десниот бек Сандро Дарсанија, а од клубот заминаа Левани Имнадзе и Никола Цветаноски.
