Ракометарите на Преспа ја запишаа третата сезонска, а втора по ред победа во оваа сезона од прволигашката конкуренција.
Тимот од Ресен славеше на гостински терен кај составот на Кичево со 25-18 и го остави домашниот тим без освоен бод сезонава.
Кичево одржуваше рамнотежа во првиот дел, но во второто полувреме доминираа гостите кои на крајот си заминаа со убедлив триумф.
Благоја Јончевски со седум и Петар Булаковски со пет гола беа предводници на Преспа, а Дарко Јаневски постигна седум за Кичево.
Кичево во следното коло ќе биде слободен, додека Преспа ќе игра на домашен терен со лидерот Младост Богданци.
