По комплетирањето на натпреварите од групната фаза, познат е пласманот на репрезентациите кои се елиминирани од Европското првенство 2024 година што се игра во Унгарија, Швајцарија и Австрија.
Македонија освои еден бод што беше доволно за третото место во групата А што се играше во Дебрецин во „Феникс Арена“, а тоа пак беше доволно само за 18 место на вкупната табела.
До последен момент Хрватска беше „во игра“ да заврши на 18 место, губеше со девет гола од Швајцарија, но на крајот поразот беше од четири погодоци, 26-22, а тоа значеше дека „коцкестите“ завршија на последното место во својата група и се пласираа на 19 место.
Фарски Острови, кои имаа исто гол разлика од -12, завршија трети во групата на Хрватска, додека во конечниот пласман се на 17 место.
Европско првенство 2024, пласман 13-24 место:
13. Шпанија
14. Австрија
15. Чешка
16. Исланд
17. Фарски Острови
18. Македонија
19. Хрватска
20. Турција
21. Србија
22. Португалија
23. Украина
24. Словачка
