Европската ракометна федерација ги одреди официјалните лица за натпреварите од третото коло во ЕХФ Европскиот Куп.
Единствен македонски претставник во ова натпреварување кој остана во конкуренција е Охрид по елиминациите на Бутел Скопје и Тиквеш.
Охрид ќе игра со босанската екипа Слога Добој, а првиот натпревар што е закажан за 16 ноември од 18:00 часот во СРЦ „Билјанини Извори“ ќе го судат Словенци.
Станува збор за Озрен Бацковиќ и Мирко Палацковиќ, додека делегат е Радош Ракочевиќ од Црна Гора.
Реваншот ќе се игра на 22 ноември од 18:00 часот, а ќе го судат Хесус Алварез и Мигел Сорија од Шпанија, а делегат ќе биде Унгарецот Гергељ Ватај.
