Вардар вечерва ја стартува европската сезона со натпреварот против незгодниот исландски тим Валур.
Тренерот Владо Недановски за овој натпревар не смета на Томислав Јагуриновски, Дмитро Горига и Мигел Пинто, како и Марко Богдановски, Марио Стојановски, Томче Стојановски и Кристијан Стаменковиќ.
Левата бековска позиција ќе биде добро покриена со Борозан, Петриќ и Николиќ, додека на десен бек најчесто ќе го гледаме Маргели со оглед на тоа што Јагуриновски не е во составот.
Во составот на Валур се двајцата ветерани, голманот Бјоргвин Пал Густавсон и десниот бек Александер Петерсон.
Натпреварот меѓу Вардар и Валур се игра вечерва во СЦ „Јане Сандански“ со почеток во 20:45 часот.
ПОВРЗАНИ ВЕСТИ
