Денеска во центарот на вниманието на македонската јавност ќе биде дуелот на Еурофарм Пелистер во Битола против Висла Плоцк.
Полскиот првак минатата сезона си замина со пораз од „Боро Чурлевски“, а навивачите на Еурофарм Пелистер посакуваат да се повтори тоа и сезонава.
Стевче Алушовски и Чави Сабате ги одредија составите за пресметката на Еурофарм Пелистер и Висла Плоцк.
Алушовски за овој меч нема да смета на Калајџиески, Хаџиќ и Кузманоски, додека сите останати ќе има на располагање. Во тимот на Висла Плоцк недостигаат Абел Сердио и Мирсад Терзиќ.
Пелистерци се на седмото место со четири бода, зад ПСЖ и ГОГ Гудме со по осум бодови, а ако слави против Висла Плоцк ќе се приклучат во битката за осминафинале.
Натпреварот меѓу Еурофарм Пелистер и Висла Плоцк ќе се игра вечерва со почеток од 20:45 часот во салата „Боро Чурлевски“.
