Женската сениорска репрезентација на Македонија повторно имаше лошо издание на „Кроација Куп“, загуби и од Србија со 33:21.

Избраничките на Кристијан Грчевски на вчерашниот натпревар, против Хрватска, беа поразени со 26:18.

На двата последни контролни дуели шанса имаа сите ракометарки, со цел да се види која ракометарка во каква форма е пред настапот на континенталниот собир.

Србија до убедливата победа дојде со одличната игра во второто полувреме, во кое целосно доминираше. Македонија за 30 минути даде девет, а прими 17 гола, додека во вторите 30 минути составот на Грчевски целосно капитулираше.

Ривалот на Македонија во поголемиот дел од второто полувреме константно водеше со 10 до 11 разлика, нашата репрезентација се обидуваше да дојде до помала негатива, но грешките во нападот си го направија своето и високиот пораз беше неизбежен.

Најефикасна во составот на Македонија беше Андреа Седлоска со шест гола, по три имаа Ива Младеновска, Сара Ристовска и Јована Саздовска. Кај Србија прв стрелец беше Анѓела Јањушевиќ со пет гола.

Ракометарките на Македонија во рамки од групната фаза за ривали ги имаат репрезентациите на Шведска, Унгарија и Турција на континенталниот собир, а најдобрите две ќе продолжат во главната фаза.

Европската ракометна федерација ги делегираше официјалните лица за натреварите од последното коло во Лигата на Европа.

Вардар ќе се соочи со германскиот Мелсунген, кој е предводен од некогашниот стратег на „црвено-црните“, Роберто Парондо.

ЕХФ делегираше судии од Азербејџан за овој натпревар, а станува збор за браќата Ернест и Емил Агакаши, додека делегат е Мигас од Грција.

Натпреварот меѓу Вардар и Мелсунген е закажан за 26 ноември со почеток во 20:45 часот во СЦ „Јане Сандански“.

За Вардар ова е последниот натпревар во сезоната во Европа, бидејќи во главната рунда патуваат Мелсунген и Порто, без оглед на исходот на натпреварите.

До стартот на ЕП остануваат уште четири дена, а репрезентациите ги имаат последните проверки пред големиот предизвик.

Шведска, која е еден од ривалите на Македонија на континенталниот собир, повторно славеше над Полска, но на денешниот натпревар дојде до минимален триумф.

Скандинавската селекција победи со 28:27, а вчера беше поубедлива, триумфираше со 38:22.

Унгарија, исто така ривал на Македонија во групната фаза а ЕП, имаше биланс од четири победи и еден пораз во последната фаза од подготовките.

Ракометарките на Унгарија денеска повторно беа доминантни, овојпат против Украина, победија со 38:19.

Во рамки од Златната лига, Шпанија и Чешка  одиграа без победник, 30:30, додека Франција ја победи Ангола со шест гола разлика, 30:24.

Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.

На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.

Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 12 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.

Meѓу номинираните за ова коло има по еден ракометар од Вардар, Еурофарм Пелистер, Пролет, Прилеп, Охрид, Бисинов ФЛ и Бутел Скопје.

За МВП на колото ќе можете да гласате до петок до 12 часот.

Супер лига, 12. коло, резултати:

ПРОЛЕТ – ПРИЛЕП 23-23 (ИЗВЕШТАЈ)
ВАРДАР – АЛКАЛОИД 29-27 (ИЗВЕШТАЈ)
ОХРИД – РАДОВИШ 43-21 (ИЗВЕШТАЈ)
БИСИНОВ ФЛ – СТРУГА 37-30 (ИЗВЕШТАЈ)
ЕУРОФАРМ ПЕЛИСТЕР – ТИКВЕШ 40-23 (ИЗВЕШТАЈ)
КУМАНОВО – БУТЕЛ СКОПЈЕ 22-29 (ИЗВЕШТАЈ)

[totalpoll id=”324819″ screen=”results”]

ИДЕАЛЕН ТИМ НА 12. КОЛО ОД СУПЕРЛИГА

Голман: Александар Стојаноски (Бутел Скопје) – Искусниот чувар на мрежата беше меѓу најзаслужните за триумфот кај Куманово.

Лево крило: Петар Атанасијевиќ (Еурофарм Пелистер) – Македонскиот репрезентативец одигра одличен натпревар против Тиквеш.

Лев бек: Дмитро Горига (Вардар) – Украинскиот бомбардер беше најдобар стрелец на дерби натпреварот против „сино-белите“ од Автокоманда.

Среден бек: Томислав Димковски (Пролет) – Младинскиот репрезентативец имаше значајна улога на мечот со Прилеп.

Десен бек: Пеце Рајатовски (Прилеп) – Битолчанецот беше меѓу најдобрите во редовите на Прилеп на мечот со Пролет.

Десно крило: Мартин Димов (Бисинов ФЛ) – Искусното десно крило постигна многу значајни голови во триумфот над незгодната Струга.

Пивот: Владимир Бојаниќ (Охрид) – Кружниот напаѓач беше меѓу најдобрите поединци во триумфот над Радовиш.

Членката на Чаир, Рона Мифтари, го доби признанието за најкорисен играч, односно ѕвезда на 10. коло во единственото женско сениорско натпреварување.

Младата ракометарка на натпреварот против Астибо одигра на одлично ниво, постигна 12 гола и зад своето име запиша неколку асистенции.

Мифтари немаше конкуренција на гласањето, доби околу 58% од гласовите на читателите на 24Ракомет, додека второпласирана беше Емилијана Ризоска од Ѓорче Петров.

Во конкуренција за ѕвезда на 10. коло беше и ракометарката од Металург Автокоманда, Јана Ѓошевска.