Меморијалниот турнир „Крсте Андоновски“ во август оваа година ќе го има своето четврто издание, повторно во организација на клубот Охрид и Општина Охрид.
Како и на второто и третото издание, ќе учествуваат осум екипи поделени во две групи, кои ќе се борат за трофејот во СРЦ „Билјанини Извори“.
Турнирот ќе се одржи од 19 до 23 август, а меѓу учесниците ќе биде собран ракометниот крем од регионот и Европа.
Минатата година трофејот покрај езерото го освои екипата на Вардар, која во финалето беше подобра од „сино-белите“ од Автокоманда.
