Гледајте ВО ЖИВО, Еурофарм Пелистер – Фредериција, ТУКА

Македонскиот шампион Еурофарм Пелистер ќе ја пречека данска Фредериција во натпреварот од осмото коло во Лигата на шампионите.

За битолскиот тим ова е важен натпревар, бидејќи со евентуална победа ќе си ги зголеми шансите за пласман во осминафиналето од европската елита.

На првиот натпревар, кој беше одигран во Оденсе, македонскиот шампион со пресврт во вториот дел дојде до два важни бода, триумфираше со 25:23.

Младиот член на Еурофарм Пелистер, Петар Атанасијевиќ, ги сподели своите очекувања за утрешниот дуел, истакнувајќи дека данскиот тим не треба да се потцени.

,,Од пред неколку дена имаме нов тренер кој што според неговиот план за работа воведува некои мали промени во системот за игра да бидеме подобри. За утрешниот натпревар со Фредериција данскиот вицепрвак во рамките на групната фаза натпреварот ќе биде исто тежок како и во гостувањето во Данска, но во Битола мислам дека ќе победиме ако го дадеме нашиот максимум како што го дадовме таму. Овој пат имаме и осми играч тоа е и публиката во Битола предводени од навивачката група Чкембари. Нема да биде лесно да се дојде до победа бидејќи Фредериција не е екипа за потценување”.

Натпреварот меѓу Еурофарм Пелистер и Фредериција се игра утревечер во салата „Боро Чурлевски“ со почеток во 20:45 часот.

Алонсо: Натпреварот против Фредериција е со голем влог – ќе решаваат детали

Тајник: Цела Битола очекува победа, а ние ќе се потрудиме да ја оствариме

Македонскиот шампион Еурофарм Пелистер денеска ќе го одигра осмиот натпревар од новата сезона во Лигата на шампионите.

Гостин во Битола ќе биде данскиот вицепрвак Фредериција, тим во кој настапуваат двајца екс пелистерци – Реине Табоада и Себастијан Хенеберг.

На првото соочување меѓу двата тима, на победа се радуваше битолскиот тим, со пресврт во второто полувреме дојде до триумф од 25:23.

За Еурофарм Пелистер ова ќе биде важен натпревар и со евентуална победа ќе си ги зголеми шансите за осминафинале во европската елита.

Деби на клупата на „зелено-белите“ ќе има новиот тренер Раул Алонсо, кој со македонскиот шампион се договори на двегодишна соработка.

Натпреварот меѓу Еурофарм Пелистер и Фредериција ќе се одигра со почеток од 20:45 часот во спортската сала „Боро Чурлевски“.

Денеска во Лигата на шампионите ќе има утре три дуели, ќе играат Алборг – Колстад, Загреб – Магдебург и Спортинг – ПСЖ.

Распоред на денешните натпревари од ЛШ:
18:45 АЛБОРГ – КОЛСТАД
18:45 ЗАГРЕБ – МАГДЕБУРГ
20:45 ЕУРОФАРМ ПЕЛИСТЕР – ФРЕДЕРИЦИЈА
20:45 СПОРТИНГ – ЛИСАБОН

Во Србија се уште не се смирени страстите откако беше објавено дека Раул Гонзалес ќе биде нов селектор на местото на Борис Ројевиќ.

Начинот на кој се уште актуелниот селектор и јавноста дозна за ангажманот на шпанскиот стратег и екс селектор на Македонија, не му донесе ништо добро на националниот тим на Србија.

Ројевиќ во интервју за „Моцарт Спорт“ откри дека дознал од медиумите за смената.

„Дека сум сменет дознав од медиумите. Никој не ми се јави да ми соопшти. Кога го побарав генералниот секретар на РСС, го прашав за што се работи. Тој ми кажа дека немам поддршка од сојузот и дека нема повеќе да бидам селектор“, вели Ројевиќ.

Од РСС тврдат дека неговиот договор бил „штетен“ по сојузот.

„Мојот е штетен, а зошто не објават колку ќе заработува Раул. Тврдам дека сум еден од најслабо платените селектори во Европа, и дека мојот наследник ќе заработува три до четири пати повеќе. Чекам да ми предложат раскин на договорот, но до денеска никој тоа не го направи. Да е ситуацијата поинаква, сам би се повлекол. Со промената на луѓето во сојузот започна психичката тортура која траеше со месеци со поддршка на еден дневен весник. Бев избор на претходното раководство“, заврши Ројевиќ.

Раул ќе седне на клупата на Србија од 1 јули 2025, а дотогаш веројатно машката репрезентација која нема да игра на СП 2025 и ја чекаат уште четири меча од квалификациите за ЕП 2026 ќе има в.д. селектор.

Екипата на Скопје дојде до 7-ми триумф во Првата лига, откако на гостувањето во Штип кај Текстилец славеше со 31:25.

Сега Скопје со новите два бода го презеде лидерското место во групата А, на свое конто има 14 бода, додека Македонија ЃП и Младост Богданци, екипи кои засега се на 2 и 3 место, имаат по 13, односно 12 бода.

Избраниците на Оливер Димитироски во текот на целиот натпревар беа во предност и во ниту еден момент не дозволија домашниот тим да го израмни резултатот, или пак да поведе.

Скопје на полувреме замина со предност од 17:12, на моменти во вториот дел водеше со десет гола разлика, но Текстилец во последниот период ја преполови негативата.

Прво име во таборот на гостинскиот тим беше Бојан Чакалиќ, кој запиша девет погодоци, пет додаде Александар Грујевски, по четири имаа Андреј Тркалевски, Јован Фичорски и Лука Лешникоски.

Кај Текстилец најрасположен за игра беше Филип Џинес со седум погодоци, а го следеше Филип Савев со гол помалку – 6.