Селекторот на женската репрезентација на Македонија, Кристијан Грчевски, го објави поширокиот список на ракометарки пред Европското првенство во Унгарија, Швајцарија и Австрија.
На списокот има 35 ракометарки, а меѓу нив главно се ракометарките кои и досега настапуваа за националниот тим.
Грчевски на списокот има 14 ракометарки што настапуваат во странство, како и 21 ракометарка што играат во домашното првенство.
Во споредба со претходните две ЕХФ недели, на поширокиот список ги нема Леонида Гичевска од Лада Тољати и Марија Тасевска од Униреа Слбозиа.
Последните тестови пред Европското првенство, Македонија ќе ги има против Хрватска и Србија на „Кроација Куп“.
На континенталниот собир, нашите ракометарки ќе играат против еден од домаќините – Унгарија, како и против Шведска и Турција.
ПОВРЗАНИ ВЕСТИ
