Македонецот Мартин Поповски заедно со екипата на Амичитија Цирих направија големо изненадување во швајцарскиот шампионат.
Во натпревар од 27. коло, тимот на Поповски славеше над актуелниот шампион Кадетен Шафхаузен со четири гола разлика, 32:28 (15:15).
За Кадетен Шафхаузен, кој моментално е лидер во најквалитетното натпреварување во Швајцарија, ова беше трет сезонски пораз.
Поповски имаше одлично издание и беше меѓу најдобрите на теренот, натпреварот го заврши со шест реализации.
Амичитија Цирих со новата победа се зацврсти на 4. позиција на табелата, сега има 29 бода.
До крајот од регуларниот дел од првенството останува уште едно коло, потоа следува разигрувањето за титулата.
