Унгарскиот вицепрвак ПИК Сегед оствари значајна победа во Лигата на шампионите, откако како ретко кога убедливо славеше на гостински терен кај Загреб со 35-30.
Избраниците на Микаел Апелгрен уште по првиот дел го најавија победникот кога беше 19-12. Шоштариќ блескаше во нападот, а голманите на Загреб немаа свој ден, па ПИК Сегед комплетно го надигра ривал во првите триесетина минути.
Во второто полувреме Загреб заигра подобро, особено во одбраната и успеа во еден момент да намали на минус два, 23-21. Но следуваа две грешки, кои беа казнети од Шоштариќ и Гарсијандија, па гостите одново отидоа на плус пет и немаше време за нешто повеќе.
Најдобри стрелци во победничкиот тим беа Шоштариќ со десет, Банхиди со пет и Род со четири гола, додека блескаше голманот Тулин со 12 интервенции. Во домашниот состав на Загреб, добри партии пружија Белјавски со осум и Кларица со седум голови.
Загреб сега ќе остане на последното место со два бода, додека ПИК Сегед има шест и ќе биде втор на табелата о групата Б.
ПОВРЗАНИ ВЕСТИ
