Женската репрезентација на Македонија со пораз го заврши настапот на Европското првенство 2024, откако во последното коло од групната фаза загуби од Унгарија со 29:19.
Една од подобрите во репрезентацијата на Македонија беше Драгана Петковска, која натпреварот го заврши со десет интервенции, поголемиот дел од нив беа во ситуација еден на еден, а имаше и неколку одбранети седмерци.
,,Искрено, можам да кажам дека сум среќна бидејќи одигравме еден добар натпревар, знаеме дека Унгарија е една од подобрите репрезентации. Покажавме карактер дека може да се носиме против поголеми репрезентации, имав мотив и желба, не ни беше многу важен резултатот, важно ни беше да одиграме на ниво, да се подриме една со друга и да покажеме дека можеме да го победиме секого. Секој натпревар бев подготовена, ја чекав својата шанса и денес одбранив како што треба”, изјави Петковска.
Македонија на стартот на ЕП беше поразена од Шведска, потоа во второто коло од ЕП одигра реми против Турција, а со денешниот пораз веќе го заврши настапот на континенталниот собир.
,,Задоволен сум 60%, некои играчи треба да се замислат – овој дрес има тежина”
