Еден од најдобрите српски ракометари, Петар Ненадиќ, реши завршената сезона да му биде последна во кариерата.
Во богатата кариера, која започна во Црвена Ѕвезда, ги носеше дресовите на Алгесирас и Барселона од Шпанија, унгарскиот ПИК Сегед, данскиот Холстебро, полската Висла Плоцк, германскиот Фуксе Берлин, потоа Веспрем и ПСЖ.
Последен клуб во кој играше е Ал Калеј од Саудиска Арабија, каде што играше три месеци на крајот на минатата година.
„Секое патување има свој почеток и крај. Јас на моето бев 21 година. Време да му кажам збогум на ракометот. Едно поглавје е затворено, почнува друго“, напиша Ненадиќ.
Во дресот на националниот тим играше до 2022 година, но таму немаше забележителен успех.