Машката репрезентација на Македонија денеска ќе го има првиот собир пред квалификацискиот двомеч со Словенија за пласман на ЕП 2026.
Поради повреда од комбинација отпадна левото крило Петар Атанасијевиќ, а селекторот Кирил Лазаров дополнително повика нов ракометар.
Тоа е соиграчот на Атанасијевиќ од Еурофарм Пелистер, Цветан Кузманоски, кој одлично игра во пролетниот дел од сезоната.
Македонија и Словенија првиот меч ќе го одиграат во Скопје на 12 март во СЦ „Борис Трајковски“ со почеток во 20:00 часот, додека втората средба е во Копер на 16 март во „Бонифика“ со почеток во 18:30 часот.
Нашата репрезентација е на делба на втората позиција со Литванија со по два бода, додека Словенците се први со четири бода и две победи на два меча, додека Естонија е последна без бодови.
За Македонија покрај двомечот со Словенија ќе остане уште гостување кај Естонија во Талин и домашен натпревар против Литванија во мај.
