Женската сениорска репрезентација на Македонија загуби од Белгија во првата меѓусебна пресметка во квалификациите за ЕП 2026 што за првпат ќе се игра во пет земји – Романија, Турција, Полска, Чешка и Словачка.
Но шансите за ЕП не се загубени, а за да останеме во игра ќе ни биде потребна победа од два гола разлика над Белгија на реваншот во Куманово, а потоа да чекаме и два порази на ривалот во последните две кола против Германија и Словенија.
Македонија за да оди на континенталниот собир во декември ќе мора да биде меѓу четирите најдобри третопласирани од шесте квалификациски групи, a во тој биланс ќе се пресметуваат само резултатите (и гол-разликите) во дуелите со прво и вторпласираните репрезентации во групите.
Трети победи во квалификациите запишаа Шведска, Шпанија, Холандија, Франција и Германија, па веќе може да се подготвуваат за настапот на ЕП, додека по шок поразот кај Исланд, Црна Гора ќе мора да ја довршува работата во реваншот во 4 коло.
Квалификации за ЕП 2026, 3 коло, резултати:
група 1
Хрватска – Франција 19-30
Финска – Косово 23-21
група 2
Швајцарија – Холандија 21-39
Босна и Херцеговина – Италија 28-25
група 3
Словенија – Германија 23-30
Белгија – Македонија 26-25
група 4
Исланд – Црна Гора 28-27
Фарски Острови – Португалија 25-21
група 5
Србија – Шведска 26-29
Украина – Литванија 30-29
група 6
Австрија – Шпанија 24-29
Израел – Грција одл.
