Европската ракометна федерација донесе одлука дека реванш натпреварот од четвртфиналето на Европскиот Куп меѓу Партизан и АЕК Атина ќе се игра на неутрален терен.
Скопје ги исполнува сите услови да биде домаќин на двата тима, а ЕХФ не понуди опции, туку му наложи на Партизан да го одбере теренот, но да биде во близина на двата тима.
Сепак српскиот тим вчера упати жалба на таквата одлука на ЕХФ, во која образложиле дека му ги понудиле сите опции на АЕК Атина.
„Нема причина за ваква одлука на ЕХФ, бидејќи во ниту еден момент никој не беше загрозен. Ги испративме сите докази, колку имаше полиција, припадници на обезбедување, се што побараа. Никој не беше погоден, повреден, немаше ниту еден напад, како на играчите, така и на управата. Затоа бараме друга одлука на ЕХФ“, изјави претседателот на Партизан, Миљан Жугиќ за „Журнал“.
Партизан и АЕК Атина денеска имаат натпревари од домашните шампионати, и ја чекаат одлуката на европската куќа на ракометот каде ќе се игра мечот.
Јасно е дека ЕХФ ќе остане на својата првобитна одлука без разлика на жалбата на Партизан, па во најскоро време ќе го соопшти местото и терминот за играње на мечот.
Првата средба во Атина ја доби АЕК со 27-22.
РФМ се стави на располагање за дуелот Партизан – АЕК Атина, се чека на ЕХФ
ЕХФ донесе одлука по хаосот во Белград – Партизан и АЕК ќе играат на неутрален терен!
