Европската ракометна федерација донесе одлука дека реванш натпреварот од четвртфиналето на Европскиот Куп меѓу Партизан и АЕК Атина ќе се игра на неутрален терен.
Иако Скопје беше во комбинација и споменат како најдобра варијанта, сепак ЕХФ реши овој меч да се игра на 7 април од 11:00 часот во бугарскиот град Шумен.
Партизан се жалеше на одлуката реваншот да се игра на неутрален терен, но ЕХФ пресече, а по донесената одлука реваншот да биде во Бугарија, српскиот тим повторно излезе со соопштение.
,,Не бегаме од одговорноста за користење пиротехнички средства пред почетокот на натпреварот во Белград, што, и покрај присуството на многу редари и полицајци, не успеавме да го спречиме. Но, поставуваме прашање – зошто полевањето со пиво и влечењето на нашите играчи за време на натпреварот во Атина не се сметаат за загрозување на нивната безбедност? Зошто се зборува само за амбиентот во Белград, а резултатот од Грција се памети единствено?” – се вели во соопштението на Партизан.
Првата средба во Атина ја доби грчкиот тим со пет гола разлика, со 27-22.
Партизан се жали во ЕХФ – не се сложува да игра на неутрален терен!
ЕХФ пресече: Партизан и АЕК ќе играат во рани зори во Бугарија!
