Ракометарите на Овче Поле победнички го завршија првиот дел од прволигашката конкуренција, откако на свој терен беа подобри од Кичево со 33:24 (13:12).
За клубот од Свети Николе ова беше трет сезонски триумф, додека Кичево на 12 одиграни натпревари запиша две победи, едно реми и осум порази.
Денешниот дуел за двете екипи немаше никакво значење, бидејќи во вториот дел од сезоната ќе играат во плеј-аут фазата.
Домаќините во текот на целиот натпревар имаа активен резултат, гостинот само во два наврати во вториот дел дојде до израмнување (13:13, 14:14), но до крајот немаше сили да направи нешто повеќе.
Најефикасен во победничката екипа беше Стојанче Ристов со девет погодоци, по шест постигнаа Бојан Гичев и Иван Димчевски.
Во составот на Кичево се истакна Стефан Стефаноски, кој зад своето име запиша осум погодоци.
ПОВРЗАНИ ВЕСТИ
