Тимот на Прилеп на крајот на сезоната се раздели со тројца ракометари што беа дел од составот на Страшо Илиески.
Покрај левото крило Давид Трајкоски кој се пресели во Автокоманда и десниот бек Никола Шипинкоски, кој се врати во Охрид по позајмицата, замина и Ангелче Органџиев.
Велешанецот, кој настапува на левата бековска позиција, беше дел од Прилеп и имаше поголема улога во дефанзивниот дел.
Покрај настапите за Прилеп, Органџиев играше и за Борец, Вардар Јуниор, Радовиш, Тиквеш, како и за германскиот Цвикау.
