Екипата на Охрид на гостувањето во Велес кај дебитантот Борец ФЛ дојде до победа од 35:29 во натпревар од 17. коло од суперлигашката конкуренција.
За Охрид ова беше 13-ти триумф во новата сезона, додека тимот од Велес, кој остана без искусните Ивица Илиев и Славиша Паунов, останува со шест бодови на свое конто.
Домаќините добро се држеа во првиот дел, беа рамноправни до 10:10, потоа до израз дојде квалитетот меѓу двете екипи, па така составот на Алушовски на пауза замина со предност од плус четири, 18:14.
Гостите во вторите 30 минути само го потврдија квалитетот и во ниту еден момент не дозволија домаќинот да има било какви шанси за кам-бек.
Најефикасен во победничката екипа беше Ловро Јотиќ со седум погодоци, по пет постигнаа Гоце Ојлески, Никола Јукиќ и Живан Пешиќ.
Во поразениот табор се истакнаа Марио Миланов, Бобан Петров и Гуедеш Габриел, сите тројца постигнаа по четири погодоци.
