По трите врзани гостувања кај директните конкуренти за врвот на табелата во Супер лигата, ракометарите на Охрид за првпат ќе играат на домашен терен.
Прв гостин е „сино-белиот“ тим од Автокоманда, кој во досегашните 13 пресметки со Охрид, меѓу кои и дуелот од оваа сезона, има дури 11 победи, едно реми и еден пораз.
Единствениот пораз е на гостински терен на 3 март минатата година, а сега охриѓани охрабрени по ремито во првото коло очекуваат триумф на „гладијаторите“.
Навивачите „Рибари“ се мобилизираат, се очекува салата да биде исполнета и да има голема поддршка за „гладијаторите“ во битката за позитивен резултат.
Судии на овој натпревар ќе бидат Даниело Божиновски и Виктор Начевски, додека делегати се Камер Металари и Славчо Каланоски.
Терминот за старт е 19:00 часот во СРЦ „Билјанини Извори“.
