По убедливата победа на првиот меч со 44-11, ракометарите на Охрид прославија уште еден убедлив триумф над азербејџанскиот Баку со 38-21.
Без Ојлески, Чаневски, Иванковиќ, повредените Јотиќ и Вејин, а во игра не влегуваа ниту Стрмљан, Ѓукиќ, Ѓорѓески, Моралес и Лиапис, охриѓани беа пресилни за гостинскиот состав.
Охридската публика имаше можност на дело да ги види домашните таленти Трајчески, Ристески, Пупунцоски, Крстевски и Шипинкоски, кои практично беа целиот меч на терен.
По првото полувреме 23-9 и беше решен победникот, а во второто полувреме домаќините продолжија во ист стил и го полнеа гостинскиот гол.
Давид Савревски имаше девет гола, седум пати погоди Кукуловски, додека Шипинкоски шест пати се запиша во листата на стрелците. Голманот Блажески запиша девет интервенции, а Крстевски одбрани седум удари.
