Денеска во центарот на вниманието ќе биде мечот меѓу Охрид и Вардар од Супер машката лига.
Вардарци кои досега се без пораз во најелитната машка конкуренција во Македонија ќе бидат на тежок испит во СРЦ „Билјанини Извори“, каде ќе ги дочека мотивиран ривал кој сака уште еден скалп по оној на тимот на Лазаров, како и полна сала.
Од сезоната 2013/14 па досега, кога Охрид влезе во елитната конкуренција, „гладијаторите“ и Вардар имаат одиграно 27 натпревари во Супер лигата.
На сите натпревари триумфираа „црвено-црните“, па ова ќе биде уште еден мотив плус за охриѓани да го скршат мразот.
На првиот меѓусебен дуел оваа сезона Вардар славеше со 33-31, но „гладијаторите“ парираа одлично и пружија силен отпор во Скопје. Како ќе биде во Охрид останува да видиме околу 21:00 часот.
На табелата Вардар е прв со 26 бодови, Еурофарм Пелистер е втор со 23, додека Охрид е на третото место со 21 бод.
Натпреварот меѓу Охрид и Вардар се игра вечерва во СРЦ „Билјанини Извори“ со почеток во 19:30 часот.
