Денеска ќе стартува 4. издание на меморијалниот турнир „Крсте Андоновски“ во СРЦ „Билјанини Извори“. Покрај домаќинот Охрид, од Македонија претставници ќе бидат двократниот европски првак Вардар и шампионот Еурофарм Пелистер. Останатите пет екипи се од странство, бидејќи охридското крајбрежје стана популарно за последните подготовки на екипите пред стартот на сезоната.
Доаѓаат српските Партизан и Динамо Панчево, хрватскиот Нексе Нашице, словенечкиот Тримо Требње, како и шампионот на Фарски Острови – Киндил.
Првото издание на овој турнир се одржа летото 2022 година, со учество на четири екипи, кои играа по принципот полуфинале, финале. Покрај домаќинот Охрид, играа и Тиквеш и Пролет од Македонија, а единствен гостин од странство беше српски Партизан.
Прв победник стана екипата на Тиквеш од Кавадарци, која во финалето на турнирот го совлада составот на Партизан со 33-32 по ударите од седум метри. Во пенал серијата за кавадарчани стрелаа Симиќ, Петровиќ, Хамзиќ и Стефановиќ, додека Велков го скроти ударот на Зечевиќ и неговиот тим ја искористи предноста за победа.
Претходно во полуфиналето, Тиквеш го совлада Охрид со 24-22, додека Партизан беше подобар од Пролет со 35-34. Во битката за трето место, Охрид триумфираше против Пролет со 27-23.
❗❗ СИТЕ НОВОСТИ ПОВРЗАНИ СО 4. ИЗДАНИЕ НА ТУРНИРОТ „КРСТЕ АНДОНОВСКИ“ ВО Охрид можете да ги најдете во специјалниот дел посветен на турнирот на страниците на 24ракомет. ❗❗
❗❗ Следете не на нашите социјални мрежи, на Facebook, и на Instagram и бидете дел од Viber заедницата на 24Ракомет – добивајте ги сите информации веднаш на вашиот телефон… ❗❗
