Новоформираниот Управен Одбор на Ракометната федерација на Македонија утре ќе го има првиот состанок во мандатот на новиот претседател Александар Стефанов.
Во дневниот ред најважна точка е изборот на генерален секретар на македонската куќа на ракометот, а ќе се бираат членови и на четири комисии.
Станува збор за Дисциплинската, Арбитражната, Регистрациската и Комисијата за лиценцирање во РФМ.
Меѓу точките на дневниот ред, се и претстојните настапи на машката и женската сениорска репрезентација во рамките на ЕХФ неделите.
